កម្លាំងសមត្ថកិច្ចខេត្តកណ្ដាល ចាប់ខ្លួនជនសង្ស័យម្នាក់ ខណៈបក្សពួកម្នាក់ទៀតកំពុងគេចខ្លួន! ក្នុងករណី: (ហិង្សាដោយចេតនា,មានស្ថានទម្ងន់ទោស និងប្រើប្រាស់ដោយខុសច្បាប់ និងមានសារធាតុញៀន)! ស្ថិតក្នុងភូមិវាលត្រែង ឃុំតាលន់ ស្រុកស្អាង

ខេត្តកណ្តាល : ក្រុមការងារព័ត៌មាន និងប្រតិកម្មរហ័ស នៃស្នងការដ្ឋាននគរបាលខេត្តកណ្តាល មានកិត្តិយសសូមជម្រាបជូនសាធារណជនពាក់ព័ន្ធទៅនឹង គណនីហ្វេសប៊ុកឈ្មោះ Kog Sophea ដែលបានបង្ហោះវីដេអូ អមដោយខ្លឹមសារថា : មិនដឹងជាគាត់មានរឿងអ្វីទេ !? បានជាកាំបិតផ្គាក់ជាប់ខ្លួនអញ្ចឹង សាហាវណាស់ គួរឲ្យខ្លាច ប្រភពពីបងប្អូនប្រជាពលរដ្ឌ គាត់ថតទុកជាភស្តុតាង មុនពេលបញ្ជូនទៅព្យាបាលនៅមន្ទីពេទ្យ ។

ក្រោយពីទទួលបានព័ត៌មានខាងលើរួច !កម្លាំងសមត្ថកិច្ចជំនាញខេត្តកណ្តាល ,កម្លាំងជំនាញស្រុកស្អាង និងប៉ុស្តិ៍នគរបាលរដ្ឋបាលតាលន់ ចុះស្រាវជ្រាវករណីខាងលើឈានដល់ឃាត់ខ្លួនជនសង្ស័យ ០១នាក់ : ក្នុងករណី: (ហិង្សាដោយចេតនា មានស្ថានទម្ងន់ទោស, និងប្រើប្រាស់ដោយខុសច្បាប់ និងមានសារធាតុញៀន ) ។ ដែលករណីកើតហេតុ ថ្ងៃទី ១៨ ខែកក្ដដា ឆ្នាំ ២០២៦ វេលាម៉ោង២២:២០នាទី យប់ ស្ថិតនៅចំណុចផ្លូវលំជិតវត្តខន្តី ស្ថិតក្នុងភូមិវាលត្រែង ឃុំតាលន់ ស្រុកស្អាង ខេត្តកណ្តាល។

• ជនរងគ្រោះ ចំនួន០២នាក់ រួមមានឈ្មោះ :
  ១- ឈ្មោះ រស់ រិទ្ធី ភេទប្រុស អាយុ ២០ឆ្នាំ ជនជាតិខ្មែរ មានទីលំនៅ ភូមិ វាលត្រែង ឃុំតាលន់ ស្រុកស្អាង ខេត្តកណ្តាល (នាក់ឌុប) ។

២- ឈ្មោះ វ៉ាន ចាន់សល់ ភេទស្រី អាយុ ២១ឆ្នាំ ជនជាតិខ្មែរ មុខរបរកសិករ មានទីលំនៅ ភូមិលេខ៤ ឃុំប្រាសាទ ស្រុកស្អាង ខេត្តកណ្ដាល (របួសខ្នងធ្ងន់) ។

• ជនសង្ស័យ ចំនួន០២នាក់ រួមមានឈ្មោះ :
  ១-ឈ្មោះ ថុល កន ភេទប្រុស អាយុ ២៩ឆ្នាំ ជនជាតិខ្មែរ មុខរបរ (មិនពិតប្រាកដ) មានទីលំនៅភូមិទួលក្តី ឃុំត្រើយស្លា ស្រុកស្អាង ខេត្តកណ្តាល (ជនដៃដល់អ្នកយកកណ្ដៀវគប់ជនរងគ្រោះនិងបើកម៉ូតូ) ។ មានសារធាតុញៀនក្នុងទឹកនោម(+)។

២- ឈ្មោះ វ៉ាន្នី សុឺ ភេទប្រុស អាយុ ២៦ឆ្នាំ ជនជាតិខ្មែរ មុខរបរ (មិនពិតប្រាកដ) មានទីលំនៅភូមិវាលត្រែង ឃុំតាលន់ ស្រុកស្អាងខេត្តកណ្ដាល។ (អ្នកជិះខាងក្រោយ) គេចខ្លួនបាត់! ។

សូមបញ្ជាក់ថា: មុនពេលកេីតហេតុជនរងគ្រោះទាំង ០២នាក់ បានជិះម៉ូតូម៉ាក ហុងដាឌ្រីម ពណ៍ឈាមជ្រូក សេរីឆ្នាំ២០២៦ ឌុបគ្នាចេញពីផ្ទះ (ឈ្មោះ រស់ រិទ្ធីជាអ្នកឌុប) ស្ថិតនៅភូមិលេខ៤ ឃុំប្រាសាទ ដើម្បីទៅហូបបង្អែមនៅ ឃុំត្រើយស្លា ពេលហូបរួច បានជិះម៉ូតូត្រឡប់មកផ្ទះវិញ ! លុះពេលមកដល់ចំណុចវេលាម៉ោងកើតហេតុ ក៏បានជិះជួបជាមួយជនសង្ស័យ ។ ស្របពេលនោះជនសង្ស័យ កំពុងជិះរកក្មេងៗដែលជេរពួកខ្លួន រួចហេីយបានឃើញម៉ូតូជនរងគ្រោះជិះបញ្រ្ចាស់គ្នា ជនសង្ស័យបានឈប់ម៉ូតូដោយស្មានតែក្មេងទាំងនោះ! ក៏បានយកណ្ដៀវគប់ បណ្ដាលអោយត្រូវជនរងគ្រោះ ឈ្មោះ វ៉ាន ចាន់សល់ ចំក្រោយខ្នង(ជាប់ណ្ដៀវនៅនឹងខ្នងតែម្ដង)! លុះពេលធ្វើសកម្មភាពរួច ជនសង្ស័យទាំង០២នាក់ បានជិះគេចខ្លួនបាត់ ! ។ បន្ទាប់មកជនរងគ្រោះបានជិះឌុបគ្នាទៅប្រាប់បងប្អូន នឹងប្ដឹងសមត្ថកិច្ចនគរបាលប៉ុស្តិ៍តាលន់ រួចបានបញ្ចូនជនរងគ្រោះទៅមន្ទីរពេទ្យលោកសង្ឃដើម្បីព្យាបាលរបួស ។

លុះដល់ថ្ងៃទី ២០ ខែកក្កដា ឆ្នាំ ២០២៦ សមត្ថកិច្ចបានធ្វើការស្រាវជ្រាវឃាត់ខ្លួនជនសង្ស័យ ឈ្មោះ ថុល កន ចំណែកជនសង្ស័យ ឈ្មោះ វ៉ាន្នី សុឺ គេចខ្លួនបាត់! ។

តាមចម្លើយសារភាព នៅចំពោះមុខសមត្ថកិច្ចជនសង្ស័យបានសារភាពថា: ខ្លួនពិតជាបានធ្វើសកម្មភាពយកកណ្ដៀវគប់ជនរងគ្រោះត្រូវចំខ្នងពិតប្រាកដមែន! ។
បច្ចុប្បន្ន ជនសង្ស័យត្រូវបានឃាត់ខ្លួននៅអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការបន្តតាមនីតិវិធីច្បាប់! ដោយឡែក ជនសង្ស័យដែលរត់គេចខ្លួន សមត្ថកិច្ចជំនាញកំពុងស្វែងរកចាប់ខ្លួន មកផ្តន្ទាទោសតាមច្បាប់