ខេត្តកំពត÷ នាយប់កាលពីពាក់កណ្តាលថ្ងៃទី២០ ខែកក្កដា ឆ្នាំ២០២៦ ស្ថិតនៅភូមិអូរ ឃុំត្រពាំងរាំង ស្រុកជុំគីរី ខេត្តកំពត ។ កេីតមានករណី: (ហិង្សា, មានស្ថានទម្ងន់ទោស)មួយ ខណៈស្ត្រីជាប្រពន្ធ តាមទាន់ប្តីកំពុងដេកអោបជាមួយស្រីស្នេហ៍នៅលើគ្រែ ក៏បានយកសាំងចាក់ដុតទាំងរស់ (ប្តីនិងស្រីស្នេហ៍) បណ្តាលឲ្យរបួសធ្ងន់ទាំង០២នាក់ ហើយ សមត្ថកិច្ច ក៏បានឃាត់ខ្លួនជនបង្ក(ស្ត្រីជាប្រពន្ធ)ភ្លាមៗផងដែរ!។
ស្ត្រីជាប្រពន្ធនិងជាជនដៃដល់ ខាងលើ ឈ្មោះ អៀម សាអែម ភេទស្រី អាយុ៤៦ ឆ្នាំ រស់នៅភូមិអូរ ឃុំត្រពាំងរាំង ស្រុកជុំគិរី ខេត្តកំពត ជាប្រពន្ធរបស់ ឈ្មោះ ង៉ែត គា ភេទប្រុស អាយុ៤៥ ឆ្នាំ (ជាជនរងគ្រោះ)។
ចំណែកជនរងគ្រោះម្នាក់ទៀត (ត្រូវជាស្រីប្តី) ឈ្មោះ ឈុន រដ្ឋថេន ភេទស្រី អាយុ៤០ឆ្នាំ (បណ្តាលឲ្យឆេះរងរបួសធ្ងន់) មានទីលំនៅភូមិតាងៅកណ្តាល សង្កាត់និរោធ ខណ្ឌច្បារអំពៅ រាជធានីភ្នំពេញ។
តាមប្រភពព័ត៌មានបានឲ្យដឹងថា :ស្ត្រីជាជនសង្ស័យនិងជនរងគ្រោះជាប្តីប្រពន្ធ ធ្លាប់ឈ្លោះប្រកែកគ្នាជាញឹកញាប់មក ហើយ! ហើយប្រពន្ធខឹងប្តីមានស្រីក៏បានដាក់ពាក្យបណ្តឹងនៅសាលាឃុំរួចហើយដែរ ។ តែសាលាឃុំមិនទាន់ដោះបានស្រាយបណ្តឹងក្រៅប្រពន្ធច្បាប់នោះនៅឡើយ! ព្រោះសាលាឃុំមានតែការសម្រុះ សម្រួលឲ្យភាគីទាំងពីរ ជានា ឬត្រូវគ្នាវិញតែប៉ុណ្ណោះទេ! សាលាឃុំមិនមានសិទ្ធិសម្រេចលើបណ្តឹងលែងលះប្តីប្រពន្ធនោះឡើយ!!!។
លុះស្រាប់តែវេលាម៉ោង១១:៣០ នាទីយប់ ថ្ងៃទី២០ ខែកក្កដា ឆ្នាំ២០២៦ខាងលើ ជនរងគ្រោះដែលត្រូវជាប្តី បានយកស្រីដែលជាជនរងគ្រោះដែរ មកដេកនៅលើគ្រែក្នុងផ្ទះជាមួយគ្នា! លុះស្រាប់តែស្ត្រីជាប្រពន្ធតាមទាន់ ឃើញយ៉ាងដូច្នេះ! ក៏ខឹង, បានយកសាំងចាក់លើប្តីនិងស្រីស្នេហ៍ កំពុងដេកអោបគ្នា និងមានបំណងដុតទាំងរស់តែម្តង បណ្តាលឲ្យប្តីនិងស្រីស្នេហ៍(ទាំង០២នាក់) រងរបួសយ៉ាងធ្ងន់ធ្ងរដូច្នេះតែម្តង!។
បច្ចុប្បន្ន ស្ត្រីជនសង្ស័យដៃដល់ខាងលើ !ត្រូវបានឃាត់ខ្លួន និងនាំយកទៅសាកសួរនៅអធិការដ្ឋាននគរបាលស្រុកជុំគិរី ដេីម្បីកសាងសំណុំរឿង បញ្ជូនទៅសាលាដំបូងខេត្តកំពត ចាត់វិធានការបន្តតាមនីតិវិធីច្បាប់!
