ឃាត់ខ្លួនជនសង្ស័យម្នាក់ ករណី: (ហិង្សាដោយចេតនាមានស្ថានទម្ងន់ទោស, វាយគ្នាបណ្ដាលឲ្យស្លាប់)!
នៅថ្ងៃទី២១ ខែ កក្កដា ឆ្នាំ២០២៦ វេលាម៉ោង ១៨: ៣០ នាទី នៅចំណុចផ្ទះ ស្ថិតនៅភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ មានករណី :(ហិង្សាដោយចេតនា មានស្ថានទម្ងន់ទោស ,វាយគ្នាបណ្ដាលឲ្យស្លាប់) ដែលបង្កឡើងដោយ ជនសង្ស័យ ឈ្មោះ ឆែម កែម ភេទប្រុស អាយុ ៤៨ ឆ្នាំ ជនជាតិខ្មែរ មុខរបរ (កសិករ) ទីលំនៅបច្ចុប្បន្ន ស្ថិតនៅ ភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ ។
ជនរងគ្រោះ ឈ្មោះ ដេត សារុំ ភេទប្រុស អាយុ៤០ ឆ្នាំ (ស្លាប់)ជនជាតិខ្មែរ មុខរបរ (ជាងកញ្ចក់) ទីលំនៅបច្ចុប្បន្ន ស្ថិតនៅភូមិស្វាយមីង ឃុំបាគូ ស្រុកកណ្ដាលស្ទឹង ខេត្តកណ្ដាល។
ជនសង្ស័យត្រូវបានឃាត់ខ្លួននាថ្ងៃទី២១ ខែកក្កដា ឆ្នាំ២០២៦ វេលាម៉ោង ២២:០០ នាទី នៅចំណុចផ្ទះ ស្ថិតនៅភូមិព្រៃព្រីងខាងត្បូង២ សង្កាត់ចោមចៅទី៣ ខណ្ឌពោធិ៍សែនជ័យ រាជធានីភ្នំពេញ។ មូលហេតុឈ្លោះទាស់ពាក្យសំដីគ្នានៅពេលផឹកស៊ីឈានដល់ប្រើហិង្សាដាក់គ្នា !។
បច្ចុប្បន្ន ជនសង្ស័យត្រូវបានបញ្ជូនខ្លួន មកកាន់អធិការដ្ឋាននគរបាលខណ្ឌពោធ៍សែនជ័យ ដើម្បីអនុវត្តទោសតាមនីតិវិធីច្បាប់! ៕
