Post News Media អចលន​ទ្រព្យ គម្រោងអភិវឌ្ឍ...

គម្រោងអភិវឌ្ឍ ២ ទៀតបានបើកការដ្ឋានសាងសង់នៅតាមបណ្តោយផ្លូវជាតិលេខ ១ និងមហាវិថី ៦០ ម៉ែត្រ

ចែកចាយបន្ត

កាលពីពេលថ្មីៗកន្លងទៅ បុរី ប៉េង ហួត បានប្រារព្ធពិធីបញ្ចុះបឋមសិលាបើកការដ្ឋានសាងសង់របស់ខ្លួនចំនួន ២ គម្រោងគឺ គម្រោង ដឹស្តា ផ្លាទីនីម យូរ៉ូវីល និង មហាវិថីសម្តេចតេជោ ហ៊ុន សែន (មហាវិថី ៦០ ម៉ែត្រ)។ នេះបើយោងតាមគេហទំព័រ BOREY PENG HUOTH។​

គម្រោង ដឹស្តា ផ្លាទីនីម យូរ៉ូវីល គ្របដណ្តប់លើផ្ទៃដីប្រមាណជា ២០ ហិកតា ដែលជាប្រភេទវីឡាចម្រុះ និងមានទីតាំងឋិតនៅតាមបណ្តោយផ្លូវជាតិលេខ ១ ចំងាយ ២ គីឡូម៉ែត្រ ពីស្ពានព្រះមុនីវង្ស( ស្ពានច្បារអំពៅ) ដែលនៅជិតនឹងគម្រោងសួនកម្សាន្តបែបអឺរ៉ុប(បឹងស្នោរ)​​​​ ។

ចំណែកគម្រោងនៅមហាវិថីសម្តេចតេជោ ហ៊ុន​ សែន​(មហាវិថី ៦០ ម៉ែត្រ) គ្របដណ្តប់លើផ្ទៃដីប្រមាណជាង ៤០ ហិកតាដោយបានបែងចែកជាពីរប្រភេទ គឺវីឡាសម្រាប់រស់នៅ និង ហ្សបហោស៍សម្រាប់ប្រកបអាជីវកម្មដែលនៅជុំវិញផ្សារទំនើប ព្រមទាំងមានសាលសន្និសីទសម្រាប់រៀបចំអាពាហ៍ពិពាហ៍ និង អគារពាណិជ្ជកម្ម សម្រាប់ប្រារព្ធពិធីផ្សេងៗ។

គួរបញ្ជាក់ផងដែរថា មហាវិថីសម្តេចតេជោ ហ៊ុន សែន(មហាវិថី ៦០ ម៉ែត្រ) បានបើកសម្ពោធជាផ្លូវការកាលពីខែ មេសា កន្លងទៅនេះដែលមានប្រវែងជាង ៩ គីឡូម៉ែត្រ និងទទឺងផ្លូវ ៦០ ម៉ែត្រ ដែលជាមហាវិថីធំជាងគេបង្អស់នៅព្រះរាជាណាចក្រកម្ពុជាផងដែរ៕