Post News Media ព័ត៌មានកីឡា ឡៅ ស៊ីណាត ទទួ...

ឡៅ ស៊ីណាត ទទួលស្គាល់ថាឡៅ ចន្ទ្រា ថយចុះសមត្ថភាពលើសង្វៀន

ចែកចាយបន្ត

មហាជនដែលជាអ្នកគាំទ្រអ្នកប្រដាល់វ័យក្មេង ឡៅ ចន្ទ្រា បានផ្តល់ជាទស្សន:ថាការបង្ហាញខ្លួនរបស់គេធ្លាក់ចុះ ខណ:ដែលអតីតអ្នកប្រដាក់គុនខ្មែរ ឡៅ ស៊ីណាត បានមកទទួលស្គាល់ថាសមត្ថភាពប្អូនប្រុសរបស់ខ្លួនពិតជាធ្លាក់ចុះបន្ថិចមែនក្នុងការឡើងសង្វៀនមួយរយ:ចុងក្រោយនេះ ។

កីឡាករមកពីខេត្តកំពង់ស្ពឺ បានបង្ហើបប្រាប់ថា៖ «ពិតណាស់ការប្រកួតរបស់ប្អូនប្រុសខ្ញុំ ធ្វើមិនល្អនោះទេ នៅប៉ុន្មានប្រកួតចុងក្រោយនេះ ត្បិតការហ្វឹកហាត់មិនបានដិតដល់ និងទម្ងន់របស់គេកាន់តែកើនឡើង» ។ ហើយបងប្រុសបង្កើតរូបនេះបានបន្ថែមថា ការវាយចេញរបស់គេ មានលក្ខណ:យឺតជាងមុន ហើយការហ្វឹកហាត់ក៏មិនសូវដិតដល់ដែរ ពោលមួយរយ:នេះគេដើរលេងច្រើនបន្ថិច ប៉ុន្តែយ៉ាងណាក៏ដោយមិនយូរនោះទេ ការប្រកួតក្រោយៗនេះសមត្ថភាពរបស់គេនឹងវិលមកសភាពដើមវិញ ហើយអាចល្អជាងសព្វដងក៏ថាបាន។

រង់ចាំមើលថា នៅថ្ងៃ អាទិត្យ ទី ១៨ ខែ មិថុនា ឆ្នាំ២០១៧ នេះខាងមុខនេះ ឡៅ ចន្ទ្រា នឹងឡើងសង្វៀនប៉ះជាមួយ កីឡាករថៃ លើស្ថានីយ៍ទូរទស្សន៍បាយ័ន្ត វេលាម៉ោង ៦ យប់តទៅ តើអាចសាងស្នាដៃមកវិញបានទេ?

ឡៅ ចន្ទ្រា