Post News Media ព័ត៌មានកីឡា Sterling ចូលរ...

Sterling ចូលរួមរំលែកទុក្ខគ្រួសារដែលបានស្លាប់នៅក្នុងការឆេះអាគារ Grenfell Tower 

ចែកចាយបន្ត

នេះគឺជាសោកនាដកម្មឆេះអាគារ Grenfell Tower ថ្មីមួយទៀតហើយ សម្រាប់ប្រជាជាតិអង់គ្លេស បន្ទាប់ពីការបន្ទុះគ្រាប់បែកកាលពីជាងមួយខែមុននៅទីក្រុង Manchester។

នៅក្នុងហេតុការណ៍ដ៍មហាសោដនាដកម្មនេះ ខ្សែប្រយុទ្ធជម្រើសជាតិអង់គ្លេស និង Man City កីឡាករ Raheem Sterling បានផ្ញើសារយ៉ាងក្រៀមក្រំ ក្នុងការចូលរួមរំលែកទុក្ខដល់គ្រួសារ ដែលបានស្លាប់នៅក្នុងហេតុការណ៍ដ៍អាក្រក់មួយនេះ។ Sterling បានប្រាប់ BBC reports ថា៖ «ខ្ញុំ សូមចូលរួមរំលែកទុក្ខយ៉ាងក្រៀមក្រំ ចំពោះបងប្អូនប្រជាជាតិអង់គ្លេសទាំងអស់ ដែលបានស្លាប់បាត់បង់ជីវិត នៅក្នុងហេតុការណ៍នេះ។ ក្នុងនាមខ្ញុំ​ ជាជនជាតិអង់គ្លេសម្នាក់ ខ្ញុំ នឹងព្យាយាមជួយបងប្អូនទាំងអស់ទៅតាមលទ្ធភាព ដែលខ្ញុំអាចធ្វើបាន»។

ថ្វីត្បិតតែនេះគ្រាន់តែជាសម្តី ដែលខ្សែប្រយុទ្ធឆ្នើមរូបនេះនិយាយក៍ពិតមែន តែវាគឺជាការចូលរួមរំលែកទុក្ខមួយសម្រាប់អ្នកស្លាប់ទាំងអស់នៅក្នុងការឆេះអាគារ Grenfell Tower នេះ។ ម្យ៉ាងវិញទៀត កីឡាករ Raheem Sterling មានបំណងចង់បង្កើតមូលនិធិមួយ ដើម្បីជួយដល់គ្រួសារដែលបានស្លាប់ និងអ្នកដែលកំពុងរងរបួសផងដែរ។

គួរបញ្ជាក់ផងដែរថា នៅក្នុងព្រឹត្តិការណ៍ឆេះអាគារ Grenfell Tower នេះដែរ បានសម្លាប់មនុស្សប្រមាណជា ៥០នាក់ និងរងរបួសជាច្រើននាក់ផ្សេងទៀត។