Post News Media ព័ត៌មានកីឡា Torres បន្តកុ...

Torres បន្តកុងត្រា ១ឆ្នាំទៀតជាមួយក្រុម Atletico Madrid

ចែកចាយបន្ត

ខ្សែប្រយុទ្ធវ័យ ៣៣ឆ្នាំ Fernando Torres បានសម្រេចចិត្តបន្តកុងត្រាថ្មី ១ឆ្នាំជាមួយក្រុម Atletico Madrid ក្រោយពីចំណាយពេលនៅជាមួយក្លិប ២លើកកន្លងមក។

អ្នកណា អ្នកណា ក៍បានស្គាល់ច្បាស់ពីកំពូលខ្សែប្រយុទ្ធដ៍ឆ្នើម របស់ក្រុម Atletico Madrid កីឡាករ Fernando Torres ដែរ ព្រោះថា កាលពីអំឡុងឆ្នាំ ២០០៦ ដល់ឆ្នាំ ២០១០ កីឡាកររូបនេះ មានប្រជាប្រិយភាព មិនចាញ់ Ronaldo និង Messi ឡើយ។ បើទោះបីជា មានវ័យចំណាស់ ក៍ដោយ តែ Torres នៅតែមានប្រជាប្រិយភាព និងទទួលបានការគាំទ្រដដែលពីសំណាក់អ្នកគាំទ្រ។ ជាក់ស្តែងណាស់ ក្រុម Atletico Madrid បានសម្រេចចិត្ត បន្តកុងត្រាថ្មីបន្ថែមទៀត ដល់ខ្សែប្រយុទ្ធ Fernando Torres ១ឆ្នាំបន្ថែមទៀត។

ថ្វីបើ សមត្ថភាពរបស់ Torres ចុះថមថយជាងមុនមែន ខណះខ្សែប្រយទ្ធវ័យក្មេង ឆ្នើមៗ ដូចជា Griezmann និង Gameiro កំពុងតែឡើងជើងក្តី ក៍ Torres នៅតែអាចប្រដមប្រសង ក្នុងការលេងក្នុងជម្រើស ១១នាក់ដំបូងដដែល។ ដូច្នេះហើយ អតីតខ្សែប្រយុទ្ធរបស់ក្រុម Liverpool, Chelsea និង AC Milan រូបនេះមានឱកាស ១ឆ្នាំទៀត ក្នុងការបង្ហាញខ្លួននៅក្របខ័ណ្ឌ Laliga របស់អេស្ប៉ាញ មុននឹង ចូលនិវត្តន៍ ឬចាកចេញទៅកាន់ក្លិបផ្សេងៗទៀត។

គួរបញ្ជាក់ផងដែរថា Fernando Torres ធ្លាប់ឈ្នះពាន Champion League ជាមួយ Liverpool នៅឆ្នាំ ២០០៦, ជាមួយ Chelsea នៅឆ្នាំ ២០១២ និងឈ្នះ Euro ២០០៨ និង World Cup ២០១០ ជាមួយក្រុមជម្រើសជាតិអេស្ប៉ាញ។