Post News Media ព័ត៌មានបច្ចេកវិទ្យា រោងចក្រថាមពលន...

រោងចក្រថាមពលនុយក្លេអ៊ែរអាមេរិក កំពុងឋិតជាគោលដៅវាយប្រហារពីក្រុមចោរព័ត៌មានវិទ្យា

ចែកចាយបន្ត

បណ្តាញកុំព្យួទ័ររបស់ក្រុមហ៊ុនប្រតិបត្តិការស្ថានីយ៍ថាមពលនុយក្លេអ៊ែរ និងរោងចក្រថាមពលរបស់សហ រដ្ឋអា មេរិកផ្សេងៗ ត្រូវគេរាយការណ៍ថា កំពុងក្លាយជាគោលដៅវាយប្រហារពីសំណាក់ពួក Hacker ឬហៅថាចោរព័ត៌មានវិទ្យា។

នៅក្នុងកិច្ចសម្ភាស៍មួយជាមួយ FOX Business លោក Mike Baker អតីតមន្ត្រី CIA បាននិយាយ ថា ការគម្រាមកំហែងវាយប្រហារតាមបណ្តាញបច្ចេកវិទ្យាព័ត៌មានទាំងនេះ ភាគច្រើនបំផុត គឺទំនងជាមានប្រភពមកពីក្រុមចោរដែលមានកាឧបត្ថម្ភគាំទ្រពីរដ្ឋនៃប្រទេសណាមួយ។
លោក Baker បន្ថែមថា រដ្ឋាភិបាលនៃប្រទេសរុស្ស៊ី ចិន អឺរ៉ង់ និងកូរ៉េខាងជើង អាចជាអ្នកនៅពីក្រោយក្រុមទាំងនោះ។

អតីតភ្នាក់ងារស៊ើបការសម្ងាត់កណ្តាលអាមេរិករូបនេះជឿថា លទ្ធភាពដែលពួក Hacker អាចហែកប្រព័ន្ធសន្តិសុខរបស់រោងចក្រដើម្បីចូលកាន់កាប់ និងគ្រប់គ្រងនោះ គឺទំនងជាមិនអាចទៅរួចនោះទេ។

លោកបានគូសបញ្ជាក់ថា ប្រព័ន្ធគ្រប់គ្រងអាជីវកម្មដែលតភ្ជាប់ទៅកាន់បណ្តាញអិុនធើណែត និងប្រព័ន្ធកុំព្យូទ័ររបស់ទីបញ្ជាការរោងចក្រ គឺឋិតនៅដាច់ដោយឡែកពីគ្នា។ ពោលគឺ ប្រព័ន្ធរោងចក្រពុំមានភ្ជាប់អិុនធើណែតឡើយ ដែលនេះជាឧបសគ្គរាំងខ្ទប់មិនឱ្យពួកភេវរករបណ្តាញ ចូលលុកលុយប្រព័ន្ធរបស់រោងចក្រថាមពលតាមចិត្តចង់បាន៕

ប្រភពព័ត៌មាន: foxbusiness