Post News Media ព័ត៌មានកីឡា Inter ផ្តល់លក...

Inter ផ្តល់លក្ខខ័ណ្ឌ មិនប្រសើរសម្រាប់ Man Utd ក្នុងការដោះដូរកីឡាករ

ចែកចាយបន្ត

ការទាមទាររបស់ក្រុម Inter Milan ក្នុងការដោះដូរកីឡាករ ជាមួយ Man Utd ដូចជាមិនសមស្របឡើយ ព្រោះថា Inter អាចលក់ Perisic ទៅឲ្យ Man Utd តែត្រូវនាំយក Martial បូករួមនឹងការបន្ថែមទឹកប្រាក់ទៀត។

Sky Sports បានឲ្យដឹងថា Inter Milan បានសម្រេចចិត្ត យល់ព្រមលក់ Ivan Perisic ទៅឲ្យ ក្រុម បីសាចក្រហម Manchester United ក៍ប៉ុន្តែ Inter ចង់បាន Martial បូករួមនឹងទឹកប្រាក់បន្ថែមប្រមាណជា ៤៨លានផោនទៀត។ ការដោះដូរនេះ ដូចជាមិនសូវសមសោះឡើយ រវាង Man Utd និង Inter Milan ព្រោះថាក្រុមអុីតាលីនេះ ហាក់យកចំនេញច្រើនលើក្រុមបីសាចក្រហម។ បើយើងមើលទៅលើតម្លៃខ្លួន របស់ Perisic អាចមានចំនួនដល់ទៅជិត ៩០លានផោន ព្រោះថា Martial មានតម្លៃខ្លួនជាង ៤០លានផោន បូកនឹងទឹកប្រាក់ ៤៨លានផោនទៀត គឺវាច្រើនខ្លាំងណាស់។ យ៉ាងណាវិញ នៅមិនទាន់ មានប្រតិកម្មណាមួយ ពីសំណាក់លោក Jose Mourinho នៅឡើយទេ ខណ:អ្នកចាត់ការទូទៅរូបនេះ កំពុងតែចាប់អារម្មណ៍ខ្សែបម្រើរបស់ Roma កីឡាករ Nainggoland ។

តាមមើលទៅ Man Utd អាចនឹងមិនធ្វើការផ្លាស់ប្តូរកីឡាករជាមួយ ក្រុម Inter Milan ឡើយ ព្រោះថា Man Utd អាចលក់ Anthony Martial ទៅឲ្យ Liverpool ឬ Arsenal វាអាចចំណេញទឹកប្រាក់បានមួយចំនួនផងដែរ។ ដូច្នេះហើយ លោក Jose Mourinho អាចផ្លាស់គោលដៅថ្មី ក្នុងការទិញកីឡាករថ្មី ជាជាងចរចារ ជាមួយ Inter Milan ដើម្បីទិញយក Ivan Perisic នោះ។

Anthony Martial Ivan Perisic