Post News Media ព័ត៌មានកីឡា អេស្ប៉ាញ ឡើងទ...

អេស្ប៉ាញ ឡើងទៅសងសឹកនៅរុស្ស៊ី

ចែកចាយបន្ត

ក្រុមគោជល់អេស្ប៉ាញ បានឡើងដោយស្វ័យប្រវត្តិហើយ ទៅកាន់វគ្គចែកពូល FIFA World Cup ២០១៨ នៅប្រទេសរុស្ស៊ី បន្ទាប់ពីបានយកឈ្នះ ក្រុមអាល់បានៀ ៣-០ យប់មិញនេះ។

ក្តីបំណង ដែលក្រុមជម្រើសជាតិអេស្ប៉ាញ ក្នុងការឡើងទៅ​លេងពានរង្វាន់ World Cup ឆ្នាំក្រោយនេះ បានលេចចេញជារូបរាងហើយ បន្ទាប់ពីធ្វើបានយ៉ាងល្អ ដោយមិនស្គាល់ចាញ់ ក្នុងពូល បើទោះបីជាមានក្រុមអាសារិ អ៊ីតាលីជាគូប្រជែងធំក្តី។ ជាក់ស្តែងណាស់ ជ័យជម្នះ ៣-០ ដែលអេស្ប៉ាញបានយកឈ្នះ លើក្រុមអាល់បានៀរយប់​មិញនេះ បានធានានូវកៅអីសុវត្ថិភាព សម្រាប់អេស្ប៉ាញ ដោយនាំមុខ ៥ពិន្ទុដាច់លើក្រុមអ៊ីតាលី ខណ:ការប្រកួតនៅ​សល់ ១ប្រកួតទៀតប៉ុណ្ណោះ។ ៣គ្រាប់របស់អេស្ប៉ាញ រកបានដោយ Rodrigo នៅនាទីទី១៦ តាមរយ:ការបញ្ជូនពី Isco, គ្រាប់ទី២រកបានដោយ Isco នៅនាទីទី ២៤ បញ្ជូនដោយ Koke និងគ្រាប់ទី៣ រកបានដោយ Thaigo Alcantara នៅនាទីទី២៧ បញ្ជូនដោយ Alvaro Odriozola ។​

ដូច្នេះហើយ ក្រុមគោ​ជល់អេស្ប៉ាញបន្តឡើងទៅកាន់វគ្គចែកពូល FIFA World Cup ឆ្នាំក្រោយនេះ នៅប្រទេសរុស្ស៊ីជាថ្មីម្តងទៀត ដែលវត្ត​មានអេស្ប៉ាញគឺជាបេក្ខភាព ដ៍សំខាន់មួយក្នុងការប្រជែង​​ពានពិភពលោកមួយនេះ។ សូមបញ្ជាក់ផងដែរថា អេស្ប៉ាញ បង្ហាញវត្តមាន កាលពីឆ្នាំ ២០១៤ ក្នុងនាមជា​ក្រុមការពារជើងឯក World Cup ត្រូវបានជ្រុះចេញយ៉ាង​អាម៉ាស់ ក្នុងវគ្គចែកពូល ហេតុនេះហើយ សម្រាប់ការប្រកួត World Cup នៅ រុស្ស៊ីឆ្នាំក្រោយនេះ អេស្ប៉ាញ នឹងមិនឲ្យ​ភ្លាត់ស្នៀត ដូចកាលឆកមាំ ២០១៤ នៅប្រេស៊ីលឡើយ។