Post News Media ព័ត៌មានកីឡា Barcelona ត្រ...

Barcelona ត្រៀមចុះកុងត្រាថ្មី តម្លៃមហិមាជាមួយ Messi

ចែកចាយបន្ត

ក្រុមយក្សអេស្ប៉ាញ Baecelona ពិតជាមិនចង់ឲ្យបាត់បង់ ខ្សែប្រយុទ្ធអាហ្សង់ទី Lionel Messi ឡើយ ដោយក្លិបកំពុងតែរៀបចំលុយយ៉ាសន្ធឹកសន្ធាប់ ក្នុងការបន្តកុងត្រាថ្មីជាមួយកីឡាកររូបនេះ។

បើតាមការចុះផ្សាយ របស់ Daily Star បានឲ្យដឹងថា Barcelona បានត្រៀមទឹកប្រាក់រហូតដល់ទៅ ៨០លានផោន ក្នុងការលួងលោមឲ្យតារា ដ៍ឆ្នើម Lionel Messi យល់ព្រមបន្តកុងត្រាថ្មីជាមួយក្លិបអេស្ប៉ាញមួយ​នេះ។ ប្រភពដដែល បានឲ្យដឹងបន្ថែមទៀតថា មិនត្រឹមតែ Messi ទទួលបានទឹកប្រាក់ ៨០លានផោនពីក្រុម Barcelona ឡើយ ក្នុងនោះដែរ កីឡាករប្រកបសក្តានុពលមួយនេះ នឹងមានការកើនឡើងនូវ ប្រាក់ប្រចាំសប្តាហ៍ខ្ពស់ជាងមុន ដែលមានន័យថា Messi នឹងទទួលបាន ៥០ម៉ឺនផោន ក្នុងមួយសប្តាហ៍ ដែលជាតម្លៃពលកម្មខ្ពស់ជាងគេ នៅលីគអឺរ៉ុប។

យ៉ាងណាវិញ Messi មិនទាន់បានចុះកុង​ត្រាថ្មីជាស្ថាពរ ជាមួយក្រុម Barcelona នៅឡើយទេ ក៍ប៉ុន្តែ Messi ក៍មិនមានបំណងចង់ចាកចេញពី Barcelona ឡើយ ដែលនេះបង្ហាញឲ្យឃើញថា កីឡាករ​អាហ្សង់ទីនរូបនេះ ច្បាស់ណាស់នឹងបន្តកុងត្រាថ្មី​ ក្នុងពេលឆាប់ៗនេះជាមួយក្លិប។ ដូច្នេះហើយ ប្រសិនបើ Lionel Messi យល់ព្រមបន្តកុងត្រាថ្មី ជាមួយ Barcelona មែននោះ Messi នឹងក្លាយជាកីឡាករទី១ នៅលីគតំបន់អឺរ៉ុប ដែលទទួលបានប្រាក់ឈ្នួលខ្ពស់ជាងគេបំផុត ។