Post News Media ព័ត៌មានជាតិ ឃាត់ខ្លួនជនសង...

ឃាត់ខ្លួនជនសង្ស័យ២នាក់ ពាក់ព័ន្ធករណីគ្រឿងញៀនដោយខុសច្បាប់

ចែកចាយបន្ត

បាត់ដំបង: ឃាត់ខ្លួនជនសង្ស័យចំនួន០២នាក់ ត្រូវបានកម្លាំងមូលដ្ឋាន កងរាជអាវុធហត្ថស្រុកមោងឫស្សី ធ្វើការឃាត់ខ្លួន ពាក់ព័ន្ធនឹងករណី ប្រើប្រាស់នូវសារធាតុញៀនខុសច្បាប់។
ការចាប់ឃាត់ខ្លួនបានធ្វើឡើងនៅវេលាម៉ោង៨ និង២០នាទីយប់ ថ្ងៃទី១២ ខែមិថុនា ឆ្នាំ២០១៧ ស្ថិតនៅចំណុចភូមិក្បាលថ្នល់ ឃុំកំពង់ព្រៀង ស្រុកសង្កែ ខេត្តបាត់ដំបង។

សមត្ថកិច្ចបានឲ្យដឹងថា ជនសង្ស័យទាំង២នាក់ ទី១ឈ្មោះ ម៉ាត់ រ៉ស់ហ្វីន ភេទប្រុស អាយុ២០ឆ្នាំ មុខរបរកម្មករ រស់នៅភូមិពោធិ២ ឃុំគារ ស្រុមោងឫស្សី និងទី២ឈ្មោះ ឃន ទី ភេទប្រុស អាយុ១៩ឆ្នាំ មុខរបរ ជាងដែក រស់នៅ ភូមិមោង ឃុំមោង ស្រុកមោងឫស្សី ខេត្តបាត់ដំបង។

ប្រភពដដែលបានបន្តថា កម្លាំងមូលដ្ឋាន កងរាជអាវុធហត្ថស្រុកមោងឫស្សី កំពុងបំពេញបេសកកម្មចេញល្បាតការពារសុវត្តិភាពជូនបងប្អូនប្រជាពលរដ្ឋក្នុងមូលដ្ឋាន ស្រាប់តែប្រទះឃើញជនសង្ស័យទាំង២នាក់ ដោយមានការសង្ស័យ ក៏បានធ្វើការសួរនាំ និងបានរកឃើញថ្នាំញៀនទាំងនោះមានដូចជា ថ្នាំញៀនប្រភេទម៉ាទឹកកក ចំនួន១កញ្ចប់ ដែលមានទម្ងន់ ០.១៧ក្រាម, ទូរសព្ទដៃ ចំនួន៣គ្រឿង និងម៉ូតូ ចំនួន១ គ្រឿង។

បច្ចុប្បន្ន ជនសង្ស័យ និងវត្ថុតាង ត្រូវបានមន្ត្រីជំនាញកងរាជអាវុធហត្ថ បានកសាងសំណុំរឿង ដើម្បីចាត់ការបន្ត តាមនីតិវិធីច្បាប់៕